| 這裡已變成Pripyat...
荒蕪了的花園 話說八月去返沙田圖書館...
真係狂升level...除左不用做counter外...
pack箱拆箱報紙房av房都去做過...
同馬鞍山館比都係各有各好... |
| |
| 環法單車賽
卡雲迪斯衝刺能力真係屈晒機...贏了幾站冠軍...本來打算今屆可以著住綠衫踩完環法...
可惜山路完全無料到被Thor Hushovd執到唔少衝線點著埋綠衫...
Columbia-HTC套車衫居然可以在Columbia專門店賣...罕見...
Astana猛將如雲...壯哥能唔能夠第八次贏環法都仲未知...
今屆環法各隊戰術都唔同左...
書展...
今年d心水書完全唔見晒...蔡志忠系列...小王子...
反而突然看上了阿呢...雖然佢d四格漫畫都係響報紙cap出來...
次文化堂...講中文字d書又突然有興趣...
佛教書藉...唔知睇邊本...
有一檔3D postcard...德國野...超靚...過左書展都唔知仲有冇得賣...希望佢搵到分銷商做啦...
|
| |
| 23/6-24/6
過大海開眼界澳門遊
23/6
五點起身...六點出發...七點到港澳碼頭...九點到澳門...
由於未夠鐘check-in酒店...所以揹住行李開始行程...個feel有d似The amazing race...
在漁人碼頭開始經過唐城、火山同布達拉宮...行下影下相...大約十一點去到澳門文化館...買張博物館入場證...再參觀一陣就去新馬路食野...
響新馬路食沙冰...九記雪糕...炸雞<--幾好食，但店舖環境真係好唔得...
大約一點九到左駿景酒店...呢間酒店鄰近民居、馬場同運動場...酒店設施...除左花洒之外其他都好一般...等到三點先有房...放低行李抖一陣又出去了...
行官也街...食左大菜糕、燕窩撻同魚翅湯飯<-名大於實、個湯麻麻地...路氹博物館真係唔錯...
威尼斯人...由於唔太識路又唔知咁遠所以行左幾耐下...威尼斯人個商場的確做得幾靚...但舖頭同香港一樣...賭場都好大...不過唔到我地d香港客玩...而係畀班財人氣粗既國內自由行玩...
又返去酒店抖一陣...再落新馬路食野...意粉、雙皮奶...九點幾返酒店了...酒店附近間超市平過惠康百佳...但收銀員真係撩交打咁款...覆佢個機...返酒店沖涼係成個行程最正既時間...
24/6
酒店自助早餐...好耐無食過自助餐...都食左好多野...
跟住去官也街買手信...未開舖之前去左住宅博物館同婚姻登記處參觀...d葡佬以前住既地方唔算大但環境好好...婚姻登記處外的環境唔錯...無人行禮的時候可以入去參觀...
晃記餅家...買左百幾蚊...但仍然買得唔夠...因為d野好好食...
放低d野再check-out...再出發...
媽閣廟+海事博物館...真係一個perfect match...見到好多海事歷史...
再返新馬路食野...豬扒飽...碟仔糕...金錢餅...再上澳門砲台...條路真係斜得屈機...比上環d路仲斜...唔知d人開架綿羊仔衝落去有無淆底呢...
澳門博物館好多野睇...大三巴...好多人...
跟住去葡萄酒博物館同賽車博物館...好多歷屆冠軍賽車...仲有wtcc玩...
諗住等到六點九漁人碼頭有煙火表演睇...點知工作人員話無左好耐...(子華mode)''煙火表演，已經唔存在啦。''
又返新馬路食野...由於唔夠時間所以淨係食左個蝦子撈麵...再去食餅有餅味買少少野就準備返香港了...酒店穿梭巴司機以頭D既速度返到碼頭...
返到屋企十二點幾了...
總結澳門之行
的士司機可能受澳門賽車影響...單手捽軚過灣...
晃記、金錢餅同碟仔糕真係神奇、頂級、超卓...Angus無介紹錯...
旅客聖經...澳門旅遊局地圖同巴士路線表...
他朝再到澳門的話希望可以行埋大三巴以北、路環同松山...
澳門的文化保育真係比香港做得好好多...
澳門有澳門通...但始終無八達通咁方便...
道路似大陸...但同香港一樣左上右落... |
| |
| 返左成個月圖書館...
最近小學停課仲多左細路...簡直同打生化危機無分別...
d書執極都執唔完...分書房已經堆晒山...仲要一車一車咁推入黎...
書分極都仲有仲邊有時間上呀...上完班細路夠膽死當住你面成套書拎晒落黎添呀...
落黎兒童館望兩望就詐晒形話唔做得野...你估好似成人館咁清閒咩...
你估我地唔想清晒d書走咩...
我地做到大汗疊細汗你見唔見到呀...
|
| |
| 無入戲院十年...繼上年開齋入場睇奪寶奇兵後...今年再入場睇天使與魔鬼同翻生侏羅館2...
天使與魔鬼劇情緊湊...
翻生侏羅館2的內容比第一集更豐富精彩...
返左半個月馬鞍山圖書館...
做到隻牛咁...亦都開始製造一部人肉OPAC...
老夫子同叮噹永遠都咁搶手...喜羊羊與灰太狼既漫畫更加罕有...
Sony walkman X1060到手了...想打中文就要學注音... |
| |
